Образовательный курс "Падрыхтоўка да алімпіяды па беларускай мове"

Праграма прызначана для падрыхтоўкі да комплекснай работы на алімпіядзе па вучэбных прадметах “Беларуская мова” і “Беларуская літаратура”. Вучняў 10 – 11 класаў.

Вучні, якія асвоілі змест вучэбнай праграмы, павінны:

Ведаць:

• Асноўныя тэрміны і паняцці ўсіх разделаў мовазнаўства
• Этапы развіцця беларускай мовы, дзейнасць вядомых беларускіх лінгвістаў
• Класіфікацыю гукаў, фанетычныя законы беларускай мовы, асаблівасці вымаўлення гукаў і спалучэнняў гукаў
• Прынцыпы і асаблівасці беларускай графікі
• Прынцыпы беларускага правапісу, змены і ўдакладненні некаторых правапісных нормаў сучаснай беларускай мовы
• Шляхі размежавання амонімаў і мнагазначных слоў
• Класіфікацыю слоўнікаў, лінгвістычныя слоўнікі і даведнікі
• Функцыянальныя стылі беларускай мовы
• Літаратурныя нормы
• Спосабы словаўтварэння
• Класіфікацыю часцін мовы, марфалагічныя прыметы пэўнай часціны мовы, сэнсавую і сінтаксічную ролю ў словазлучэнні, сказе, пераходныя з’явы ў межах часцін мовы
• Сінтаксічныя адзінкі і іх тыпы, сродкі сувязі частак сказа, сродкі і віды сувязі сказаў у тэксце
• Сістэму правілаў беларускай пунктуацыі, функцыі знакаў прыпынку

Умець:

• Выконваць заданні рознага ўзроўню цяжкасці, у тым ліку нестандартныя заданні
• Выконваць усе віды моўных разбораў
• Карыстацца слоўнікамі і даведнікамі
• Складаць слоўнікавыя артыкулы
• Выяўляць спецыфічныя рысы беларускай мовы ў параўнанні з рускай на розных моўных узроўнях (фанетычным, арфаэпічным, лексічным, граматычным)
• Перакладаць з рускай мовы тэксты, словазлучэнні, мнагазначныя словы, устойлівыя спалучэнні, захоўваючы спецыфіку беларускіх варыянтаў
• Вызначаць стылі, тыпы, жанры тэкстаў, асноўныя стылявыя рысы
• Выяўляць стылістычныя памылкі і прадухіляць іх у сваім маўленні
• Вызначаць і аналізаваць характэрныя граматычныя асаблівасці часцін мовы
• Выкарыстоўваць тэкстаўтваральныя і вобразна-выяўленчыя сродкі марфалагічнага ўзроўню ў аўтарскіх тэкстах розных тыпаў, стыляў, жанраў
• Захоўваць граматычныя нормы пры пабудове словазлучэнняў і сказаў
• Размяжоўваць сказы па мэце выказвання, мадальнасці, структуры, саставе, ускладненасці
• Вызначаць віды даданых частак і віды адносін паміж часткамі ў складаных сказах
• Перадаваць чужую мову рознымі спосабамі
• Ствараць уласныя тэксты розных тыпаў, стыляў, жанраў

Валодаць:

• Арфаэпічнымі, акцэнталагічнымі, арфаграфічнымі, граматычнымі, лексічнымі, стылістычнымі і пунктуацыйнымі нормамі беларускай літаратурнай мовы

Мэта праграмы: падрыхтоўка вучняў да комплекснай работы на рэспубліканскай алімпіядзе па вучэбных прадметах “Беларуская мова” і “Беларуская літаратура”.

Задачы:

• Паглыбіць і сістэматызаваць веды вучняў па ўсіх разделах мовазнаўства (фанетыцы, арфаэпіі, арфаграфіі, лексікалогіі, фразеалогіі, словаўтваренні, марфалогіі, сінтаксісе, стылістыцы)
• Развіваць моўную кампетэнцыю вучняў
• Удасканальваць уменні і навыкі выканання нестандартных заданняў
• Развіваць аналітычныя ўменні
• Актывізаваць лінгвістычную цікаўнасць, творчую мэтанакіраванасць, самастойнасць пры выкананні заданняў
• Развіваць пазнавальную актыўнасць і інтэлектуальныя здольнасці вучняў

Тэрмін прадастаўлення паслугі: з 31.10.2022 г.

Колькасць гадзін: 10 гадзін - аўдыторная праца

Курс разлічаны на дзесяць заняткаў з перыядычнасцю адзін раз на тыдзенью

Працягнасць аднаго занятка – 2 акадэмічныя гадзіны

Мінімальная колькасць чалавек у групе: 1

Кантынгент (узрост): дзеці

Месца правядзення: на плошчах заказчыка

Кошт: 100 BYN

Паслугу аказваюць:

Крафта Ганна Уладзіміраўна, дацэнт, кандыдат філалагічных навук

Лапкоўская Алена Мікалаеўна, дацэнт, кандыдат філалагічных навук

Кантактныя дадзеныя:

Адукацыйны інавацыйны цэнтр

Педагагічны факультэт

г. Гродна, вул. Захарава, 32

+375 (152) 45 02 82

Кафедра прыродазнаўчых і лінгвістычных дысцыплін і методык іх выкладання

г. Гродна, вул. Захарава, 32

+375 (152) 45 02 81